Wikipedia ye la mayor obra coleutiva na hestoria de la humanidá, y una vegada más la so independencia ta menaciada.
El Senáu italianu ta aldericando un proyeutu de llei sobre la calumnia (Llei #3491). Si delles enmiendes (3.204, 3.400 y, especialmente, 3.207) s'aprobaren, podríen obligar a Wikipedia a correxir o esborrar los sos conteníos simplemente con una solicitú por parte de quien los considere perxudiciales pa la so identidá o privacidá. Los infractores podríen ser multaos con 100.000 euros.
Wikipedia reconoz el derechu de cada individuu a salvaguardar la so reputación, y los voluntarios de Wikipedia trabayen duramente pa garantizar esti derechu; d'otra miente, si esta propuesta fuera aprobada, cualquier fras en cualquier artículu de Wikipedia podría enfrentase a un esborramientu obligatoriu, ensin importar la veracidá de les afirmaciones cuestionaes.
Esta midida minaría los entamos fundamentales de Wikipedia; sedría una llende inaceptable de la so independencia, y una menacia intimidatoria pal trabayu de los sos 15 millones de voluntarios en tol mundu, los que se veríen na necesidá d'evitar los artículos sobre determinaos temes o persones, "simplemente pa nun se meter en problemes".
Nos doce años últimos, Wikipedia convirtióse en parte de los vezos diarios de millones d'internautes que busquen una bona fonte de conocencia, de baldre y basada nos principios de neutralidá y llibertá d'espresión.
La Wikipedia n'italianu tien cerca d'un millón d'artículos que reciben 16 millones de visites al día, pero esta llei podría esborralos toos, pa siempre.
La enciclopedia llibre ye patrimoniu de toos. Nun dexemos que desapaeza.
