Douce Dame Jolie

Da Wikipedia, l'enciclopedia libera.

Douce dame jolie è una canzone del XIV secolo, composta dal compositore francese Guillaume de Machaut. Più precisamente si tratta di un virelai, nello stile dell'Ars nova.

Testo francese completo[modifica | modifica wikitesto]

Douce dame jolie,
Pour Dieu ne penses mie
Que nulle ait signourie
Seur moy fors vous seulement.

Qu'adès sans tricherie
Chierie
Vous ay et humblement
Tous les jours de ma vie
Servie
Sans villain pensement.
Helas! et je mendie
D'esperance et d'aïe;
Dont ma joie est fenie,
Se pité ne vous en prent.

Douce dame jolie...

Mais vo douce maistrie
Maistrie
Mon cuer si durement
Qu'elle le contralie
Et lie
En amours tellement
Qu'il n'a de riens envie
Fors d'estre en vo baillie;
Et se ne li ottrie
Vos cuers nul aligement.

Douce dame jolie...

Et quant ma maladie
Garie
Ne sera nullement
Sans vous, douce anemie,
Qui lie
Estes de mon tourment,
A jointes mains deprie
Vo cuer, puis qu'il m'oublie,
Que temprement m'ocie,
Car trop langui longuement.

Douce dame jolie...

Bibliografia[modifica | modifica wikitesto]

  • Leo Schrade, a cura di, The Works of Guillaume de Machaut, vol. 2, Polyphonic Music of the Fourteenth Century 3, Monaco: Éditions de l'Oiseau-Lyre 1956.
musica classica Portale Musica classica: accedi alle voci di Wikipedia che trattano di musica classica